OPERESHENI KIMBUNGA YAFUMUA KIJIJI HARAMU CHENYE DOLA YAO...

Imeandikwa tarehe 29 Septemba 2013 By Eric Anthony, Kigoma

KAMPENI ya kitaifa ya kuondoa wahamiaji haramu nchini iliyopewa jina la Operesheni Kimbunga, imefanikiwa kusambaratisha kijiji cha wahamiaji haramu wa Burundi waliokuwa wamejitengenezea dola yao nchini, kiasi cha
hata kutumia sarafu ya Burundi ilihali wakiwa Tanzania.


Aidha, watoto wao wanasoma shule kwa mitaala ya Burundi, ikiwa ni pamoja na kuwafundisha kwa lugha ya Kifaransa wakiwa kijijini Nyamugali, Mvugwe wilayani Kasulu, Kigoma.

Hayo yamethibitishwa na Mkuu wa Mkoa wa Kigoma ambaye pia ni Mwenyekiti wa Kamati ya Ulinzi na Usalama ya mkoa, Issa Machibya katika mahojiano maalumu na gazeti hili ofisini kwake mjini hapa.


Kutokana na hatua hiyo, baadhi ya wakazi wa mkoani Kigoma, wakiwemo wa Manispaa ya Kigoma Ujiji na wilaya za Kasulu na Buhigwe, wamepongeza hatua hiyo.

Wameitaka serikali kutorudi nyuma katika kuhakikisha inawaondoa nchini wahamiaji haramu ambao wametajwa kuwa tishio kwa usalama wa nchi kutokana na kujihusisha na matukio ya ujangili, biashara ya silaha zikiwemo za kivita, na matukio mengine.


Akizungumza mjini hapa, Machibya alisema mbali ya kutumia faranga (fedha za Burundi) kwa matumizi yao ya kawaida wakiwa nchini na kufundisha kwa mitaala ya nchi waliyotoka, wahamiaji hao walipeperusha pia bendera ya nchi yao katika sehemu mbalimbali za kijiji hicho.
“Lakini kwa sasa, wote wamekimbia na kuziacha nyumba zao. Huwezi kuamini kama ni nyumba za wahamiaji haramu, kwani walijijenga na kuishi watakavyo, tena bila ya hofu katika nchi ya kigeni.


“Hebu tafakari, ni dharau gani unaishi Tanzania, lakini hata pesa yao hutumii, badala yake unatumia faranga.Tunashukuru tumewasambaratisha, na tutaendelea na operesheni hii mpaka tuhakikishe Watanzania
wanaishi kwa amani katika ardhi yao,” alisema Machibya.

"ACHENI KUMLAZIMISHA RAIS KIKWETE KUSAINI MUSWADA"....ZITTO

NAIBU Katibu Mkuu wa Chama cha Demokrasia na Maendeleo (Chadema), Kabwe Zitto amewaonya baadhi ya wanasiasa wa vyama vya upinzani na chama tawala kuacha kumlazimisha Rais Kikwete kutekeleza maoni yao binafsi kuhusu Muswada wa Sheria uliopitishwa na Bunge ili kufanya marekebisho ya Sheria ya Marekebisho ya Katiba ya mwaka 2011.
Badala yake amewataka wanasiasa kuweka mbele maslahi ya taifa kwa kutambua kuwa Katiba ni uhai wa Mtanzania hivyo kurejea katika meza ya mazungumzo kwa pande zinazovutana kuhusu nini kifanyike ili kuona namna ya kupata muafaka wa suala hili.
Zitto katika taarifa yake kwa vyombo vya habari aliyoitoa jana, alieleza kuwa ingawa kumekuwa na sintofahamu, vuta nikuvute kuhusu muswada huo, bado kuna nafasi kama taifa kukaa na kukubaliana na kuongeza kuwa kwa hali ilivyo nafasi hiyo ipo mikononi mwa Rais wa Jamhuri ya Muungano wa Tanzania, Jakaya Kikwete.
“Rais ana wajibu wa kikatiba wa kuhakikisha umoja wa kitaifa unaendelea kuongoza mchakato huu wa katiba ya nchi yetu. Hata hivyo ni vizuri kutahadharisha kuwa sio sahihi kwa wanasiasa wa pande zote kujaribu kumlazimisha Rais kuridhia ama kutoridhia sheria hiyo.
“Si sawa kisiasa kwa wanasiasa wa upinzani kujaribu kumlazimisha Rais ambaye pia ni Mwenyekiti wa chama chenye wabunge wengi bungeni kwenda tofauti na wabunge wake na wakati huohuo ni utovu wa nidhamu kwa Waziri wa Sheria kujaribu kumshauri hadharani Rais wake kuridhia sheria hiyo, kwani ni kinyume cha misingi ya uongozi,” alisema Zitto.
Zitto alisema kwa takriban wiki tatu sasa kumekuwa na sintofahamu kuhusu muswada huo, jambo lililoweka historia mbaya wakati wa mjadala wa suala hilo bungeni kulikochangiwa na kurushiana maneno miongoni mwa wanasiasa wa pande zote mbili, wanaopinga muswada ulivyo na wanaounga mkono muswada ulivyo jambo ambalo halileti muafaka wa kitaifa.

Ugaidi Kenya: Kibao chawageukia mawaziri

 

Wananchi wakiondolewa katika jengo la Westgate nchini Kenya mara baada ya watu wanaosadikiwa kuwa ni magaidi kuliteka jumba hilo maarufu kwa biashara

Nairobi. Shambulizi la kigaidi lililoua watu 67 nchini Kenya wiki iliyopita, limeanza kuchukua sura mpya baada ya kubainika kuwa mawaziri wanne na mkuu wa majeshi walipewa tahadhari kabla kuhusu kutokea kwa tukio hilo.

Taarifa hizo mpya zimekuja wakati ripoti nyingine za uchunguzi zikibainisha kuwa huenda magaidi walioshambulia jengo la Westgate walitoroka kupitia njia ya ardhini inayoanzia kwenye maegesho ya magari chini ya jengo hilo.

Kuhusu mawaziri

Tahadhari hiyo iliyoanza kutolewa Januari mwaka huu, iliwaonya viongozi hao ambao pia ni wanachama wa Baraza la Usalama la Taifa, kuwa Kundi la Al-Shabaab lilikuwa likipanga shambulizi jijini Nairobi.

Kwa mujibu wa ripoti ya kuzuia ugaidi iliyonukuliwa na Gazeti la The Saturday Nation, imewataja Waziri wa Fedha, Julius Rotich, Waziri wa Mambo ya Ndani, Joseph ole Lenku, Waziri wa Ulinzi, Raychelle Omamo, Waziri wa Mambo ya Nje, Amina Mohammed na Mkuu wa Majeshi, Jenerali Julius Karangi kuwa walikuwa na taarifa za shambulizi hilo.

“Taarifa ilitolewa kwao ikiwatahadharisha kuongezeka kwa vitisho vya ugaidi na mipango ya kuanzishwa kwa mashambulizi mfululizo katika miji ya Nairobi na Mombasa kati ya Septemba 13 na 20, 2013,” inasema ripoti hiyo.

DC wa Mbulu awapigia magoti wananchi

 

Mkuu wa Wilaya ya Mbulu, mkoani Manyara, Anatory Choya akiwa amewapigia wananchi magoti kwa maana ya kuonyesha unyenyekevu

Mbulu. Mkuu wa Wilaya ya Mbulu, mkoani Manyara, Anatory Choya, amesema kuwa aliwapigia magoti wananchi wa Kijiji cha Hydom, ili kuonyesha unyenyekevu kwa wananchi hao aliodai walionekana kujazwa maneno ya uchochezi na wanasiasa ili wavuruge amani .

Alisema kutokana fujo zilizofanywa na baadhi ya wananchi hao katika mkutano wa hadhara uliofanyika majuzi, kwa nafasi yake angeweza kuagiza hata Jeshi la Polisi kuwadhibiti watu, lakini misingi ya dini yake haimruhusu kumdhuru mtu zaidi ya kumwonyesha unyenyekevu.

Alisema hali hiyo ndiyo iliyomfanya kuamua kupiga magoti na kumshtakia Mungu.

“Mimi ni mkristo, unyenyekevu ndiyo nguzo pekee ya kuonyesha upendo na kudumisha amani. Ningeweza kuagiza polisi wawadhibiti, lakini sioni sababu kwa kuwa hiyo siyo misingi ya utawala. Ndiyo maana nikaona bora nitumie njia nyingine ya kumshirikisha Mungu mbele yao,”alisema Choya na kuongeza:

“Wanasiasa wamekuwa wakipandikiza chuki kwa wananchi kwa makusudi kwa lengo la kuvuruga amani lakini kwa kumweka Mungu mbele nina imani tutafanikiwa ili siku moja tusije tukaingia kwenye mkumbo wa Syria na Misri”

Choya alitoa kauli hiyo jana alipokuwa akizungumza na Mwananchi Jumapili, siku chache baada ya kitendo chake cha kupiga magoti mbeye ya wananchi kwenye mkutano wake wa hadhara uliofanyika katika Kijiji cha Haydom.

Mkuu huyo wa wilaya alidaiwa pia kuwalaani baadhi ya wakazi wa Kijiji cha Haydom kwa kile kinachodaiwa kuwa ni kumdharau na kutofuata maagizo yake, wakati yeye amewasaidia katika kutatua migogoro mbalimbali waliyokuwa nayo.

HII NDO PICHA YA MAJERUHI WA WESTGATE ILIYOMFUKUZISHA KAZI MHARIRI WA GAZETI LA SUNDAY NATION KENYA

Mambo mengi yameendelea kujitokeza katika tukio la mashambulizi ya Westgate mall jijini Nairobi, Kenya. Kwa mujibu wa Ghafla ya Kenya, mhariri wa gazeti la Sunday Nation amejikuta akipoteza ajira yake baada ya kuweka picha ya majeruhi wa tukio hilo katika ukurasa wa mbele wa gazeti hilo, inayomuonesha akiwa katika maumivu makali.


Mhariri wa gazeti la Sunday Nation la Kenya Eric Obino amepoteza kazi baada ya kuweka picha hiyo katika gazeti la Jumapili iliyopita (Sepember 22).

Pia mwandishi wa kujitegemea Robert Alai ambaye amekuwa mstari wa mbele kutoa updates za kinachoendelea katika tukio la Westgate amethibitisha juu ya kufukuzwa kazi kwa mhariri huyo.

“CONFIRMED: Sunday Nation boss Eric Obino sacked and all his security access at Nation Centre revoked. #WestgateAttack” Alitweet Alai.

MAGAZETI YA MWANANCHI NA MTANZANIA YAFUNGIWA

Habari za hivi punde zinasema kuwa magazeti la Mwananchi na Mtanzania yamefungiwa kwa kuandika habari za upotoshaji, kwa upande wa gazeti la Mwananchi ni kuwa limefungiwa kwa muda wa siku kumi na nne(14) wakati gazeti la Mtanzania limefungiwa kwa siku tisini (90)

MAGAIDI WA AL SHABAAB WALITOROKA KUPITIA MTARO UNAOPITISHA MAJI MACHAFU,NA WANAJESHI WA KENYA HAWAKUUA GAIDI HATA MMOJA.

Friday September 27, 2013 - As Kenya and foreign detectives continue to comb the Westgate debris in search of missing bodies and answers to the Westgate terror attack, shocking revelations have emerged that may catch Kenyans unaware following the 4-day horror they went through.

This is after detectives discovered a huge underground tunnel, also used as sewerage tunnel, which runs several metres from the Westgate Mall to the neighboring Nakummatt Ukay Mall.

The detectives noted that the Al-Shabaab terrorists are likely to have escaped through the tunnel, and left their explosives in the Westgate Mall, whose explosions have continued to be heard even after the Kenya Defence Forces secured the Westgate Building.

According to impeccable sources from the intelligence community, KDF did not kill any Westgate terrorist after all, because there is no sign of any of them in the debris even after combing the rubble for days now.

This comes as KDF through Interior Cabinet Secretary, Joseph Ole Lenku, insist they killed five terrorists, but have since failed to prove their assertion.

UTATA MKUBWA UMEGHUBIKA TUKIO LA UGAIDI KENYA-IDADI YA VIFO, MATEKA NA MAGAIDI NI SINTO FAHAMU

Pambano lililodumu kwa Takribani sku 4 kati ya Alshababu na Majeshi ya Ulinzi ya Kenya lilifkia Tamati Juzi baada ya Rais Kenyata ku- declare pubicly kuwa The Mall is Completely rescued.

Lakini Utata mwingi umeghubika Tukio hili,hali iliyofanya Baadhi ya wanaharakati na Vyombo vya Habari nchini Kenya kuhoji Uwazi wa zoezi zima la uwokoaji ikiwemo Idadi ya Vifo, Mateka na Magaidi pia

Awali Rais wakati akihutubia Taifa Mchana mishare ya saa 6 kuwa tayari Majeshi yameshinda palitokea milindino ya Risasi Mithiri ya Majibidhano kati ya Majeshi na Magaidi Mjengoni mda mfupi badae hii ilidumu kwa takribani Saa nzima na kujirudia tena saa 1jioni, hali hii ilizua waswas kuwa huenda bado Magaid yalikuwemo pa1 na kauli ya Raisi, Watu wanahisi kuwa Rais aliwahi kutangaza ushindi Mapema kabla ya Magaidi yote hayajawa Kontrolled, Na kama ni hivyo ni kwa Mantiki ipi Watu wamekuwa wakihoji.

Sinitojua nyingine ni kuhusu MATEKA waliokuwa ndani ya Jengo ambao serikali iltangaza wawli kuwa kulikuwa na Mateka zaidi ya 150 walokuwa wameshikiliwa mjengoni, Cha ajabu baada ya zoezi kuisha ni watu wachache sana waloweza kuonekana idadi isyofka hata 30, hakuna Mateka alionekana akitoa ushahidi wa jinsi walvyotekwa ndani na waliishije wakiwa humo kama mateka kwa hzo cku 4, hofu ilizid maradufu baada ya Al Shababu jana kutangaza wazi kupitia Mtandao wao kuwa waliua Mateka 157, Hofu imetanda zaidi na Serikali huenda ina siri nzito kuhusu hili.

UNAWAJUWA FREEMASON NA SIGN ZAO PAMOJA NA HARAKATI ZA KIDINI DUNIANI .....INGIA HAPA KUJUA

Hatimaye mbegu ya ‘tamaa’ iliyopandwa na rais Nimrodi wa serikali ya awamu ya kwanza ilipotengeneza‘mimba’ na kuzaa mtoto ‘dhambi’, mtoto huyo alikomaa baada ya kufikisha umri wa utu uzima. Sasa hakuitwa ‘mtoto’ tena bali jina lake lilibadilika na kuitwa‘mauti’. Kumbuka kwamba kuna hatua nne za kukua na kukomaa kwa mbegu hadi wakati wa kuvunwa. Hivyo ndivyo ilivyokuwa wakati dunia yetu iliposhuhudia awamu nne za serikali moja ya dunia ambapo katika awamu ya nne palitokea mavuno yaliyoleta mazao ya muungano wa serikali na dini.


Ulikuwa ni utawala wa serikali ya awamu ya nne (Roman empire) chini ya rais Constantine aliyeweka ikulu yake huko Roma ndipo imani ya kweli ilipokufa baada ya rais huyo kuanzisha dini iliyochanganya ukweli na uongo kwa kutumia kanuni ya‘Thesis x Antithesis = Synthesis. Imani ya kweli ilikuwa ni ‘Thesis’ wakati imani ya kipagani iliyoanzishwa na Nimrodi ilikuwa ni ‘Antithesis’. Imani hizi mbili zilichanganywa na rais Constantine na kuzaa kitu kinachoitwa ‘Synthesis’ yaani mchanganyiko wa ukweli na uongo. Hiyo ilikuwa ni baada ya miaka mingi kupita tangu rais Nimrodi alipotamani kuanzisha mfumo wa utawala uliunganisha serikali na dini na kuwa kitu kimoja. Hiyo ilikuwa ni awamu ya nne ya utawala wa serikali moja ya dunia. Naam! Dini iliyoanzishwa huko Roma wakati wa awamu ya nne ya utawala wa serikali moja ya dunia chini ya rais Constantine ilikuwa ni matokeo ya mbegu ya ‘tamaa’ ya rais Nimrodi ya kuanzisha mfumo wa serikali iliyoungana na dini katika utawala wa dunia nzima.


Jambo hilo la kuunganisha serikali na dini pamoja na kuchanganya ukweli na uongo lilipigwa vita vikali na ‘waprotestant’ ambao hawakuwa tayari kuona ukweli wa neno la Mungu ukichanganywa na uongo. Hata hivyo ‘waprotestant’ hao hawakufanikiwa kutenganisha serikali na dini na ndipo wakamua kujitenga na dini iliyokuwa imeungana na serikali ili wapate kumuabudu Mungu katika roho na kweli.


Ilipofika mwaka 1798 kulitokea badiliko katika serikali iliyoungana na dini baada ya rais na kiongozi wa dini kukamatwa na kuuawa huko ufaransa. Baada ya kifo cha rais na kiongozi wa dini wa serikali moja ya dunia, ilionekana kana kwamba ndio mwisho wa mfumo wa utawala uliounganisha serikali na dini. Lakini haukuwa mwisho kwa sababu liliundwa taifa moja katika mji wa Roma likiwa linaendeleza mfumo wa kuunganisha serikali na dini. Taifa hilo likapewa jina la Vatican. Ndioo! Vatican ni nchi inayotawalaiwa na Papa akiwa ndiye rais na kiongozi wa dini pia. Sasa jina la serikali hiyo likaitwa ‘Roman Catholic’ yaani ‘ulimwengu wa Kirumi’. Maana ya neno ‘catholic’ ni ‘universal’ au iliyoenea dunia nzima. Serikali hii imeenea dunia nzima kutokana na uwepo wa wawakilishi (mabalozi) wa taifa hilo duniani kote. Ukilinganisha na mataifa mengine katika eneo la mraba, inawezekana taifa hili ndilo dogo kuliko mataifa mengine duniani kote lakini ni taifa lenye nguvu kubwa kuliko mataifa yote – usishangae!


Zimekuwepo juhudi za kuhakikisha kwamba dunia nzima inarudi kwenye mfumo wa utawala wa serikali na dini. Freemasons wamekuwa kwenye mipango ya muda mrefu latika kuhakikisha kwamba serikali moja ya dunia itakayounganisha dini na uchumi kwa pamoja inaundwa haraka iwezekanavyo. Serikali hiyo itakuwa imejengwa kwenye msingi uliowekwa na rais wa kwanza katika awamu ya kwanza ya utawala wa serikali moja ya dunia. Itakumbukwa kwamba rais Nimrodi alianzisha dini iliyoabudu miungu (sayari) 36 ambapo jumla ya miungu hao ilileta namba 666.

MTUHUMIWA WA UGAIDI WESTGATE ALIPITIA ARUSHA

Nairobi. Wakati Serikali ya Kenya imeliomba Shirika la Polisi la Kimataifa (Interpol) kumkamata Mwingereza Samantha Lewthwaite (pichani), taarifa zinadai kuwa mwanamke huyo alipitia mpaka wa Namanga, Arusha kwenda Nairobi ambako anahusishwa na tukio la ugaidi.

Lewthwaite, ambaye ni maarufu kwa jina la ‘Mjane mweupe’ inaaminika anashirikiana na kundi la magaidi la Al-Shabab la Somalia.

Kundi hilo ndilo linaaminika lilihusika na mashambulizi kwenye jengo la Westgate jijini Nairobi, wikiendi iliyopita.

Hata hivyo, taarifa ya Interpol ilisema kuwa alikuwa anatakiwa kujibu mashtaka ya kumiliki mabomu na kupanga njama za ugaidi Desemba 2011.

Interpol haikuhusisha maombi hayo ya Serikali ya Kenya na mashambulizi ya Nairobi.

Pia Lewthwaite inasemekana aliingia nchini humo kwa kutumia mpaka wa Tanzania.

Baadhi ya vyombo vya habari vya Afrika ya Kusini, vinasema mwanamke huyo alitumia pasi ya kusafiri ya nchi hiyo kuingia Kenya kwa kutumia mpaka wa Namanga uliopo mkoani Arusha.

Taarifa hizo zinasema mwanamke huyo alitumia mpaka wa Lunga Lunga na Namanga kati ya Februari na Agosti mwaka 2011 akitumia jina la Webb.

Habari hizo zinaeleza kuwa, awali mwanamke huyo alikuwa anaishi Afrika Kusini ambako aliweza kukopeshwa fedha benki na kuweza kupanga sehemu ya kuishi.

Wakati huohuo, watu wanaodhaniwa kuwa magaidi wamefanya shambulio kwenye Kituo cha Polisi mjini Mandera na kuua askari wawili, kujeruhi watatu kisha kuchoma zaidi ya magari 11 jana asubuhi.

Shambulio hilo ni la pili kufanyika kwenye maeneo mawili tofauti ndani ya saa 24, baada ya lingine lililofanyika kwenye Mji wa Wajir, muda mfupi baada ya taarifa za kudhibitiwa kwa watu wanaodhaniwa kuwa magaidi walioshambulia jengo la kibiashara la Westgate mjini Nairobi.

MAMBO 10 USIYOYAJUA KUHUSU MWANAMKE ALIYEONGOZA UGAIDI KENYA

 

  TUKIO kubwa la kigaidi lililotokea mwishoni mwa wiki iliyopita katika jengo la maduka makubwa na ya bei mbaya jijini Nairobi la Westgate, limeelezwa kuwa liliongozwa na mwanamke raia wa Uingereza, Samantha Lewthwaite.
Yafuatayo ni mambo kumi usiyoyajua juu yake.
1. Samantha, mwenye umri wa miaka 29, ni mzaliwa wa Buckinghamshire, Uingereza anayeelezewa na magaidi wa kundi la Al Shabaab kama mwanamke mwenye akili nyingi, akiwa ni mama wa watoto watatu ambaye alikata mawasiliano na familia yake baada ya kuhamia Kenya mwaka 2007.
2. Ripoti za kipolisi zinaonesha kuwa ni mkufunzi wa wanawake wa kikundi hicho cha kigaidi wanaochukua mafunzo ya jihad, mke wa zamani wa Germaine Lindsay, ambaye alijiua baada ya kuhusika na shambulio la bomu kwenye treni ya chini ya ardhi jijini London, Julai 7, 2005.
3. Kwa mujibu wa nyaraka mbalimbali zinazoaminika kuwa ni zake, ambazo zilitangazwa na Gazeti la Daily Mail la Uingereza, mwanamke huyo anawalea watoto wake ili waje kuwa wanaharakati wa imani kali. Mumewe wa pili, Habib Saleh Ghani naye ilidaiwa kuwa aliuawa kwenye tukio lingine la ugaidi.
4. Baadhi ya nyaraka zinaonesha kuwa katika baadhi ya mawasiliano na mumewe, aliwahi kusema: “Ghani alizungumza na kijana wangu wa miaka nane na binti yangu wa miaka mitano akiwauliza wanachotaka kuja kufanya wakiwa wakubwa, wana majibu mengi lakini wote wanakubaliana kwamba watakuja kuwa Mujahidina.

SIMULIZI:MMOJA WA MAGAIDI WA AL SHABAAB ALIKUWA AKIONGEA KISWAHILI KIZURI KABISA

INGAWA duka la Westgate liko karibu dakika 15 tu kutoka nyumbani kwangu, nilikuwa nikienda kule kwa nadra kununua vitu. Mara kwa mara huwa kuna watu wengi katika duka hili katika siku za mwisho mwa wiki na hivyo niliona kama karaha. Jumamosi ilikuwa maalumu kwa sababu nilitaka kutumia muda wangu na mkwe yangu, Amina (si jina halisi) na baadhi ya marafiki zetu ambao watoto wao walikuwa wakishiriki katika shindano la upishi.

Tulikuwa juu ya ghorofa la mwisho saa 5.00 asubuhi. Shindano la upishi lilikuwa likiendelea. 

Baada ya muda, Amina aliamua kuelekea chini kwa ajili ya kununua vitafunwa. Sikuwa na njaa sana hivyo niliamua kubaki hapo hapo. Nilitaka kuangalia watoto wakipika.

Karibu saa saba na robo, Amina alikuwa hajarejea nilipokuwa, lakini sikuwa na hofu na nilibakia hapo hadi niliposikia sauti ya milio ya bunduki.

Nilishikwa na kihoro na kumpigia simu mwanangu. Ni ofisa usalama na nilidhani pengine angeweza kusaidia.

“Kuna milio ya risasi hapa. Naweza kusikia milio ya risasi. Tafadhari fanya unaloweza,” nilimwambia.

Niliongea naye kwa muda mfupi kwa simu kwa sababu nilitaka kuzungumza na mkwe wangu. Katika simu aliniambia kuwa alikuwa amejificha katika benki iliyo kwenye kituo hicho cha biashara. Alisisitiza kwamba yu salama na alitaka niwe mwangalifu.

Mazungumzo yetu yalihitimishwa ghafla nilipoona watu wawili wakija juu. Walikuwa na bunduki na haikunichukua muda nikaona mabomu ya kutupwa kwa mkono yakining’inia katika mikanda yao.

Nyuso zao hazikufichwa na tuliziona wazi kana kwamba walikuwa hawajali iwapo tungeweza kuwatambua baadaye. Mara moja nilianza kuwa na wasiwasi huenda nisitoke hai.

Katika kitambo hicho, hofu yangu ilikuwa kubwa. Magaidi walipoanza kurusha risasi na magurunedi holela, umati ukaangua kilio kwa kihoro. 

Watu walianza kukimbia kwa mshtuko huku mwelekeo wao ukiwa haueleweki. Nami nilikimbilia katika hema lililokuwa likitumika kama jiko la watoto na kujificha humo.

Awali nilidhani walikuwa wakifyatua risasi kwa bahati mbaya. Hata hivyo, punde nikaona kwamba wale watu waliokuwa wakikimbia huko na huko wakipiga kelele ni wale waliokuwa wamepigwa risasi. Huku kukiwa na makelele, niliwasikia magaidi wakiwaita Waislamu:

“Kama ninyi ni Waislamu, mnaweza kunyanyuka na kuondoka,” walisema.

Lakini haikuwa rahisi kama ilivyodhaniwa. Waislamu walitakiwa kuthibitisha imani yao. Walitakiwa kutaja jambo fulani kutoka aya za Korani kabla ya kuachiwa. Na hata baada ya hapo bado unaweza kupoteza maisha yako. Mwanamke mmoja ambaye alisema alikuwa Muislamu lakini hakuonekana kuwa Muislamu alipigwa risasi na kufa.

Sina uhakika kwa nini sikutumia dini yangu ili kujiokoa mapema. Pengine ilitokana na hofu. Pengine ilitokana na hali ya ukaidi.

Nikiwa nimejificha nyuma ya maboksi na meza katika hema, watu nisiowajua wakawa wa karibu nami kuliko marafiki. Magaidi lazima walijua tulipo; kulikuwa na maeneo mengi ambayo tungeweza kuyatumia kujificha.

MRISHO NGASA NOMA AWAONYESHA TFF JEURI YA FEDHA

Na Ezekiel Kitula
MSHAMBULIAJI Mrisho Ngassa wa Yanga, ameuambia uongozi wake yupo tayari ulilipe Shirikisho la Soka Tanzania (TFF) kitita cha Sh milioni 45 kutoka kwenye mshahara wake.
Ngassa amekubali kitita hicho cha fedha kitolewe kwa kuwa ana hamu ya kuanza kuitumikia Yanga baada ya kumaliza adhabu ya kutocheza mechi sita aliyopewa na TFF.
Imeelezwa Ngassa yupo tayari kukatwa katika mshahara wake na kuna taarifa katika Sh milioni 2 kila mwezi, atakatwa Sh 500,000.
Mshambuliaji huyo alisimamishwa mechi sita pamoja na kutakiwa kurudisha Sh milioni 30 alizolipwa na Simba pamoja na faini ya Sh milioni 15. TFF ilishikilia msimamo wake kwamba Ngassa hatacheza hadi atakapolipa fedha hizo za Simba.
Habari za uhakika kutoka ndani ya Yanga zimeeleza kuwa, Ngassa amekubali kuhusiana na hilo na alifikia makubaliano hayo na mwenyekiti, Yusuf Manji walipofanya kikao walipokutana jijini Mbeya, hivi karibuni.
Alipoulizwa kuhusiana na hilo jana, Ngassa alisema:  “Sawa, adhabu yangu ya kutocheza mechi sita za mashindano imemalizika, lakini siwezi kuongelea lolote, mimi ni mchezaji tu, kazi yangu ni ndani ya uwanja, hayo mengine ya kiutawala ni vyema yakatolewa ufafanuzi na viongozi,” alisema Ngassa.
Championi Jumatano lilimtafuta Manji ambaye alikiri kuzungumza na Ngassa kuhusiana na masuala kadhaa ya klabu yao likiwemo hilo.
“Mimi ni mwenyekiti, hakuna ubaya kuzungumza na Ngassa. Tunazungumza kwa ajili ya klabu yetu, hivyo msubiri akicheza mtamuona,” alisema Manji.
Taarifa nyingine zilieleza kuwa, Yanga ilikuwa tayari kupeleka fedha hizo leo, lakini ilitaka TFF wakate Sh milioni 45 katika Sh milioni 70 inazowadai na walikuwa katika mazungumzo katika hilo.

IMEGUNDULIKA SHAMBULIZI LA MAUAJI YA WESTGATE MALL LILIPANGWA KWA MUDA MREFU

Maandalizi ya kushambulia jengo la maduka la eneo la Westgate, Nairobi yalifanyika kwa miezi mingi.

Gazeti la New York Times la Marekani lilikariri vyanzo vyake ndani ya vyombo vya usalama vya nchi hiyo jana vilivyosema kuwa mipango na mazoezi kwa ajili ya shambulizi hilo vilifanyika Somalia.

Magaidi kati ya 10 hadi 15 wa Al-Shabaab walivamia kwa silaha kwenye jengo la ghorofa nne la maduka na kusababisha vifo vya watu 67 kwa mujibu wa taarifa za Serikali ya Kenya na majeruhi 175. Magaidi watano walipoteza maisha kwenye tukio hilo.

Kitengo cha Mambo ya Nje cha Kundi la Al-Shabaab ndicho kilichokuwa na kazi ya kupanga shambulizi hilo.

Imeelezwa kuwa watekelezaji wa tukio la kigaidi walipitia mafunzo maalumu huko Somalia yaliyowawezesha kubaini michoro ya jengo pamoja na mbinu za kusafirisha silaha.

Utekelezaji

Gazeti hilo lilidai kuwa uratibu wa operesheni hiyo ulifanywa kwa uangalifu kwani wafuasi wa Al-Shabaab waliochaguliwa ni wale ambao walikuwa wanafahamu vyema Kiingereza na wenye uzoefu wa masuala ya kimataifa.

“Hawa jamaa pia waliandaa mchoro wa jengo hilo. Wakaandaa mkakati wa kupenyeza silaha ambazo walikuwa wamezileta kutoka Somalia,” kilisema chanzo cha gazeti hilo.

Gazeti la New York Times, lilisema silaha zilizotumika kwenye uvamizi huo zilipenyezwa kupitia maeneo yalikuwa yakilindwa na askari wa kampuni binafsi za ulinzi.

Duru za usalama za Marekani zimeeleza kuwa kuna uwezekano mkubwa kuwa baadhi ya askari walihongwa kutokana na kukabiliwa na ukata wa kutolipwa kwa wakati na waajiri wao.

ANGALIA PICHA KAMPUNI YA NSIIMA WALIVYOADHIMISHA SIKU YAO MOROGORO LEO

 

Mkuurugenzi Mtendaji wa Nsiima Catering Services Mama Immaculata Rutatota

Mkuurugenzi Mtendaji wa Nsiima Catering Services Mama Immaculata Rutatota Aliyevaa kofia akiongozana na wafanyakazi wa kampuni hiyo leo asubuhi Walipotembelea kituo cha kulelea watoto yatima cha Mgolole Mjini Morogoro Ikiwa ni siku ya kampuni Hiyo kufurahia na Kumshukuru Mungu kwa mwaka Mzima

Wafanyakazi wa Nsiima Catering Services Wakiwa wamebeba vitu mbalimbalia kwa ajili ya kituo cha watoto yatima Cha Mgolole Mkoani Morogoro

Mkuurugenzi Mtendaji wa Nsiima Catering Services Mama Immaculata Rutatota wakishiunana mkono wa watoto yatima ikiwa ni makabidhiano ya vitu mbalimbali wakati kampuni ya Nsiima walipowatembelea watoto hao leo

Meneja masoko wa kampuni ya Nsiima Jackline Rutatora Aliyevaa Kofia akiwa pamoja na wafanyakazi wa kampuni hiyo

JESHI LA WANANCHI LA TANZANIA (JWTZ) YAKANUSHA VIKALI TAARIFA ZILIZOENEA KWENYE MITANDAO MBALIMBALI YA KIJAMII KWAMBA JWTZ LIMETOA NAFASI ZA KUAJIRI WATAALAMU

JESHI LA ULINZI LA WANANCHI WA TANZANIA

KURUGENZI YA HABARI NA UHUSIANO

Simu ya Upepo  : “N G O M E”                Makao Makuu ya Jeshi,

Simu ya Mdomo  :                              DSM  22150463  

-----

Jeshi la Ulinzi la Wananchi wa Tanzania (JWTZ) linapenda kuwataarifu Wananchi wote kuwa taarifa zilizoenea kwa njia ya ujumbe mfupi wa maneno kupitia simu za mkononi (sms) na mitandao mbalimbali ya kijamii kwamba JWTZ limeanza kuajiri wataalamu Jeshini (Professionals) siyo kweli na halina utaratibu wa kutangaza ajira kupitia mitandao ya kijamii au kupitia simu za mikononi.

          Kwa kawaida, utaratibu wa kujiunga na Jeshi hutangazwa kwenye Vyombo vya Habari pale ambapo Jeshi linahitaji kuandikisha askari wapya.  JWTZ huelekeza utaratibu wa kuzingatia katika kuwasilisha maombi husika kwa taarifa hii, wananchi wote wanatahadharishwa kuhusu ujumbe huo unaoelekea kusababisha usumbufu kwa wananchi na JWTZ.  Taarifa hiyo haijatolewa na JWTZ hivyo wananchi wajihadhari na yeyote atakayejitokeza kuwarubuni na hatimaye kutapeliwa kwa namna yoyote.
                       

Imetolewa na:

Kurugenzi ya habari na Uhusiano

Makao Makuu ya Jeshi

Dar es salaam, Tanzania

HATIMAYE...Masogange, Melisa waachiwa huru.

 

Wakati Masogange akitozwa faini hiyo mwenzake, Melissa Edward ameachiwa huru na mahakama hiyo, baada ya kukosekana ushahidi wa kumtia hatiani.

Msemaji wa Kitengo cha Uchunguzi wa Makosa ya Jinai cha Afrika Kusini(Hawk), Kapteni Paul Ramaloko alisema Watanzania hao wameachiwa huru baada ya kuonekana kuwa hawakubeba dawa za kulevya, bali kemikali aina ya ephedrine.

Hata hivyo, Mahakama ilibaini kuwa, Melissa hana hatia kwa kuwa ilionekana kuwa amemsindikiza Masogange, ambaye alimwomba amsaidie kubeba mzigo huo.

“Mahakama iliona kuwa Melissa aliombwa tu kumsaidia kubeba baadhi ya mabegi, lakini hayakuwa yake. Mizigo yote iliandikwa jina la Agness Gerald na si Melissa,” alisema Kapteni Ramaloko.

Kapteni Ramaloko alisema, Melissa alijitetea kuwa hakuwa amesafiri pamoja na Masogange bali walikutana ndani ya ndege na Masogange alimwomba amsaidie kubeba mizigo hiyo, kwani ilikuwa mikubwa.

Kwa sheria za Afrika Kusini kubeba kemikali zozote ambazo zimepigwa marufuku ni kosa la jinai kisheria, hivyo mahakama iliamuru Masogange ahukumiwe kwenda jela kwa miezi 30 (miaka miwili na miezi mitano) au alipe faini ya R30, 000 (sawa na Sh4.8 milioni).

HAPPINESS WATIMANYWA KUTOKA DODOMA ATWAA TAJI MISS TANZANIA 2013/2014.

wa kwanza kutoka kushoto ni Happiness Watimanywa, wa tatu ni Clara Bayo aliyeshika nafasi ya tatu na wa tano ni Latifa Mohamed aliyeshika nafasi ya pili.

Mrembo Happiness Watimanywa kutoka Dodoma ameshinda taji la Miss Tanzania 2013/2014. Kwa ushindi huo Happiness amejishindia zawadi ya gari aina ya IST na Tsh. millioni 8. Nafasi ya pili imechukuliwa na Latifa Mohamed na nafasi ya tatu kuchukuliwa na Clara Bayo.

ANGALIA picha nyingine za shambulio la leo Nairobi,

 
Kama taarifa imekupita ni kwamba Rais wa Kenya Uhuru Kenyatta amekiri kuwa idadi ya waliofariki inafikia 39 na zaidi ya 150 kujeruhiwa.. hizi picha zimetoka bbcswahili.com

BAADA YA TANZANIA ....SASA WABUNGE WA NIGERIA WAPIGANA BUNGENI

Wabunge wa bunge la waakilishi Nigeria wamerushiana ngumi wakati wa vikao vya Jumanne baada ya kuzuka bungeni suitofahamu kuhusu mrengo wa wabunge waliojitenga na chama tawala. Taarifa hizi ni kwa mujibu wa vyombo vya habari nchini humo.

 

Chama tawala cha PDP kimekuwa kikikumbwa na mgogoro wa ndani kwa muda sasa

Kituo kimoja cha kibinafsi cha televisheni, pamoja na vituo vingine vilionyesha picha za mbunge mwanamke akimtosa kidole usoni kwa ghadhabu mbunge mwenzake wakati mbunge mwanamume akionekana akichukua kiti nusura kumgonga mwenzake.
Wabunge wengine walionekana wakipigana ngumi.
Mgogoro inasemekana ulianza baada ya

HUZUNI....MTU MMOJA APOTEZA MAISHA BAADA YA KUSHAMBULIWA NA SIMBA HUKO MKOANI LINDI

Hivi karibuni mdau wa website ya masainyotambofu akiongea kwa njia ya simu ya kiganjani kutoka huko mkoani LINDI wilaya ya NACHINGWEA katika kijiji cha ''LIONJA'' Alitoa taarifa kuhusu Mtu huyu mwenye umri wa miaka (45) ameuwawa na simba wakati akienda shambani kwake alfajiri kwenda kuangalia korosho wakati akielekea shambani ndipo aliposhambuliwa na simba hao wawili kabla ya tukio hilo simba hao walikuwa wakishambulia mbwa katika kijiji hicho, Tukio hili lilijiri siku chache zilizopita, M/mungu ailaze roho ya marehem mahala pema peponi,

(News) Zaidi ya Wanawake 2800 wamepokea mikopo kupitia mradi wa MWEI mwaka huu.

 Meneja wa Vodacom Foundation anayesimamia kitengo cha MWEI Bi. Grace Lyon (kulia) akimshuhudia Bi. Beatrice Shayo, mkazi wa Kunduchi, Dar es Salaam, akisaini fomu kabla ya kupokea mkopo wake kupitia mradi huo. Bi. Shayo ni mmoja wa wanawake wajasiliamali zaidi ya mia moja kutoka Kunduchi waliopokea jumla ya shillingi millioni 18 kupitia mradi wa MWEI ili kuanzisha biashara. Zaidi ya wanawake 2800 wamepokea mikopo mwaka huu. Mikopo hio haina riba.

 Meneja Mawasiliano wa kampuni ya Vodacom Tanzania Bi. Rukia Mtingwa (kushoto) akimueleza jambo Bi. Fatuma Said, mkazi wa Kunduchi, Dar es Salaam, mara kabla kupokea mkopo wake kupitia mradi wa MWEI. Bi. Fatuma ni mmoja wa wanawake wajasiliamali zaidi ya mia moja kutoka Kunduchi waliopokea jumla ya shillingi millioni 18 kupitia mradi wa MWEI ili kuanzisha biashara. Zaidi ya wanawake 2800 wamepokea mikopo mwaka huu. Mikopo hio haina riba

 

NGEDERE ATIMUKA NA BUKTA YA BEKI WA TIMU YA SIMBA..

 Ngedere mmoja kwa jina la Sharobaro amekuwa kivutio katika kambi ya Simba iliyopo kwenye Fukwe za Bamba nje kidogo ya Jiji la Dar, eneo la Kigamboni, ambapo gazeti la Championi Jumatano lilimshuhudia ngedere huyo akivinjari katika vyumba vya wachezaji wa timu hiyo na kucheza na beki wa kikosi hicho, Issa Rashid ‘Baba Ubaya’ lakini baadaye akakimbia na bukta ya mazoezi ya nyota huyo.

Mara baada ya ngedere huyo kuchukua bukta hiyo na kukimbia nayo kwa umbali mfupi, Baba Ubaya alimfukuza huku akimuita kwa jina la Sharobaro ambapo aliiachia chini, kisha kumrukia mguuni na kurudi katika varanda ya chumba chake.

Baba Ubaya aliliambia gazeti hilo kuwa, ngedere huyo ni rafiki yake mkubwa na aliichukua bukta hiyo katika michezo yao na hana tabia ya kung’ata watu kama ilivyo kwa wengine: “Huyu ni rafiki yangu mkubwa, anacheza na wengi lakini mimi ndiyo kanizoea zaidi,” alisema Baba Ubaya

PICHA: MAMBA AZUA BALAA BAADA YA KUINGIA CHINI YA KITANDA HOTELINI...

Katika hali isiyo ya kawaida mamba mkubwa mwenye futi 8 amezua tafrani baada ya kuingia chini ya kitanda cha Mkurugenzi wa hoteli moja ya kitalii iitwayo Humani iliyopo pembezoni mwa mto Turgwe huko nchini Zimbabwe na kukaa zaidi ya masaa 8.

Mr Whittall, ambaye ni mkurugenzi wa hoteli hiyo alisema kuwa mamba huyo aliingia kwa siri chumbani kwake na kukaa chini ya kitanda chake usiku na kugundulika asubuhi ya siku iliyofuata.

Alisema kuwa mamba huyo alitoka nyuma ya pori lililopo karibu na hoteli hiyo ambapo hata yeye alipoamka hakumuona na alining’iniza miguu yake huku mamba huyo akiwa chini ya kitanda ambapo alitoka kwenda kupata kifungua kinywa kwenye mgahawa wa hoteli hiyo.

JESHI LA POLISI LAMTIA MBARONI MWALIMU ALIYEWALAWITI WANAFUNZI WAKE WANNE HUKO IRINGA...!!

 

Mmoja kati ya  watoto  wanaodaiwa  kulawitiwa na mwalimu huyo..
SIKU chache baada ya Gazeti la Majira kuandika habari ya ukatili wa kutisha dhidi ya mwalimu anayedaiwa kuwalawiti wanafunzi wanne mkoani Iringa, mtuhumiwa huyo amekamatwa na yupo katika mikono ya polisi.

Mwalimu huyo anafundisha katika Shule ya Sekondari Wanging'ombe, iliyopo Wilaya Mpya ya Wanging'ombe, mkoani Njombe, Bw. Mwasile Cletus (31).

Miongoni mwa wanafunzi waliofanyiwa kitendo hicho mmoja ana miaka10 (jina linahifadhiwa), ambaye anasoma darasa la nne katika Shule ya Msingi Chemchem, mjini humo.

ANGALIA PICHA SHEIKH PONDA ALIVYOFIKISHWA MAHAKANI LEO MOROGORO

 Sheikh Ponda Akishuka kwenye basi la Magereza tayari kuingia Mahakamani Kusikiliza kesi yake inayomkabili katika Mahakama ya Hakimu Mkazi Mkoani Morogoro.Sheikh Ponda alishatikiwa katika Mahakama Hiyo akikabiliwa na Mashtaka Matatu Ambayo inadaiwa aliyatenda Mkoani Morogoro katika Mkutano Hadhara mwezi uliopita.Kesi hiyo imearishwa tena Mpaka Tarehe 01.10.2013.Mshitakiwa Amenyimwa Dhamana na Amerudishwa Rumande.

 Sheikh Ponda akiwa Chini ya Ulinzi Mkali wakati akiingia Mahakamani kusikiliza kesi yake inayomkabili katika Mahakama ya Hakimu Mkazi Mkoani Morogoro.

WALIO MUUA BILIONEA ERASTO MSUYA WAKUTWA KWA SANGOMA

Jeshi la polisi mkoa wa kilimanjaro linawashikilia watu wanne zaidi wakidaiwa kuhusika na mauaji ya mfanyabiashara bilionea wa madini ya tanzanite Arusha Erasto Msuya 43 wawili kati yao walikutwa kwa mganga wa kienyeji (sangoma) wakifanyiwa zindiko ili wasikamatwe na vyombo vya dola.

Pia jeshi limenikiwa kunasa bunduki aina ya SMG yenye namba za usajili KJ10520,inayoaminika kutumika katika mauaji hayo.Msuya aliuawa kwa kupingwa risasi zaidi ya 10 kifuani Augost 7mwaka huu,katika eneo la mijohoroni wilayani Hai.

Akizungumza na waandishi wa habari jana,kamanda wa Mkoa wa Kilimanjaro ,Robert Boaz aliwataja watuhumiwa kuwa ni Sadiki Jabiri 32 mkazi wa Dar es Salaam na Lang'angata wilayani Hai

.Karimu Kihundwa 33 mkazi wa Lawate Wilayni Siha ambao wanatajwa kuwa ni muhimu katika mauji hayo.Alisema watuhumiwa hao wawili walikamatwa eneo la Kaliua sikonge mkoani Tabora wakiwa kwa sangoma wakifanyiwa zindiko ili wasitiwe mbaroni.

CHADEMA KUMSHITAKI BAROZI WA CHINA NCHINI.

Dar es Salaam na Mbeya.Chama Cha Demokrasia na Maendeleo (Chadema) kimesema kitamshitaki Balozi wa China nchini, Lu Younqing Umoja wa Mataifa (UN) kwa kukiuka Mkataba wa Vienna (Vienna Convention) wa mwaka 1964 ambao unaeleza uhusiano wa kibalozi kati ya nchi na nchi.

Aidha, kimesema kitaiandikia barua Serikali ya China ili kutaka ufafanuzi kama imemtuma Balozi wake kufanya kazi ya uenezi siasa kwenye vyama.

Tukio la Balozi huyo kuhudhuria mkutano wa hadhara wa CCM lilitokea Septemba tisa mwaka huu kwenye mkutano wa chama hicho uliofanyika Wilaya ya Kishapu Shinyanga, ambapo Katibu Mkuu wake, Abdulrahman Kinana alimtambushisha balozi huyo huku akiwa amevaa sare za chama hicho.

Akizungumza na waandishi wa habari Dar es Salaam jana, Waziri kivuli wa mambo ya nje ambaye pia ni Mbunge wa Nyamagana Jijini Mwanza, Ezekiel Wenje alisema Chadema wameamua kuchukua hatua hizo ili kukomesha vyama vya siasa kutumia mabalozi kama wawakilishi wa vyama vyao kwa kufanya uenezi kwenye mikutano ya siasa.

Wakati Wenje akisema hayo Katibu Mkuu Taifa wa Chadema, Dk Willibrod Slaa amesema chama chake kinaangalia namna ya kumchukulia hatua za kumshtaki Balozi huyo akidai kuwa kitendo cha kushiriki siasa za CCM na kisha kuvalishwa kofia ya chama hicho ni kiunyume na taratibu za UN.

WAPINZANI WAUNGANA NA KUKUBALIANA KUFANYA MIKUTANO NCHI NZIMA ILI KUPINGA MCHAKATO WA KATIBA

 

VYAMA vya upinzani nchini, vimeamua kuungana ili kunusuru mchakato wa Katiba mpya. Msimamo huo ulitolewa jana jijini Dar es Salaam, wakati wenyeviti wa vyama hivyo ngazi ya taifa, walipofanya mkutano na waandishi wa habari.

Vyama vilivyofikia uamuzi huo ni Chama cha Demokrasia na Maendeleo (CHADEMA), kilichowakilishwa na Mwenyekiti wake, Freeman Mbowe, Chama cha Wananchi (CUF), kilichowakilishwa na Profesa Ibrahim Lipumba na Chama cha NCCR- Mageuzi, kilichowakilishwa na James Mbatia.

Wakati wa mkutano na waandishi wa habari, aliyesoma tamko lao ni Profesa Lipumba, ambaye alisema ushirikiano wao umelenga kuhakikisha Katiba mpya inapatikana kwa maslahi ya Watanzania.
Alisema kwamba, ushirikiano huo umetokana na Muswada wa Marekebisho ya Sheria ya Mabadiliko ya Katiba Mpya kupitishwa bungeni Septemba 6, mwaka huu, kwa nguvu na wabunge wa CCM.

Alisema kuwa, muswada huo ulipitishwa ukiwa na kasoro mbalimbali, zikiwamo za CCM kuingiza vipengele bila kufuata utaratibu kwa maslahi yao na pia wananchi wa Zanzibar hawakushirikishwa ipasavyo.

ZANZIBAR HAPAKALIKI...VIONGOZI WA DINI WAHOFIA ROHO ZAO

Na Imelda Mtema
HAKUNA lugha nyingine zaidi ya kusema Zenji (Zanzibar) sasa hapakaliki hasa kwa viongozi wa dini, achilia mbali raia wa kigeni kufuatia kushamiri kwa vitendo vya kuwadhuru kwa tindikali au silaha, Ijumaa Wikienda lina mfululizo wa mikasa na ifuatayo ndiyo ripoti kamili.

Padri Joseph Onesmo Mwang’amba akiwa hospitalini baada ya kumwagiwa tindikali.

Ukiachilia mbali mnyororo wa matukio hayo yaliyosababisha  makovu, ulemavu na vifo, tukio ambalo halijapoa ni la Ijumaa iliyopita ambapo Padri wa Kanisa Katoliki Parokia ya Machui, Zanzibar, Joseph Onesmo Mwang’amba (60) kumwagiwa tindikali na watu wasiojulikana.
Tukio hilo lenye kuunga na mengine nyuma, lilijiri nje ya duka la huduma ya mawasiliano ya intaneti la Shine Shine lililopo Mtaa wa Mlandege Mkoa wa Mjini Magharibi, Zanzibar ambako padri huyo alikwenda kuperuzi.
Kaimu Kamanda wa Polisi Mkoa wa Mjini Magharibi, Afande Haji Hana alikiri kutokea kwa tukio hilo ambalo lilimfikisha mtumishi huyo wa kiroho kwenye Hospitali ya Mnazi Mmoja ambako anaendelea na matibabu.

Shehe Fadhil Suleiman Soraga baada ya kumwagiwa tindikali.

Tindikali hiyo ilimjeruhi padri sehemu za usoni, kifuani na mkono wa kulia.
Novemba 6, 2012; Katibu wa Mufti wa Zanzibar, Shehe Fadhil Suleiman Soraga alimwagiwa tindikali na watu wasiojulikana. Alijeruhiwa usoni na mwilini.
Desemba 26, 2012; watu wasiojulikana wamlipiga risasi Padri Ambros Mkenda wa Kanisa Katoliki la Mtakatifu Michael, Mpendae mjini Unguja na kumjeruhi vibaya.

meza ya magazeti leo jumatatu Monday, 16 September 2013